ဇွန် ၁၈-၂၀၂၂
VOM(GG)
သာသနာ့ဝန်ထမ်းတွေဖြစ်တဲ့ ဘုန်းကြီး၊ သီလရှင်နဲ့ကိုရင်တွေကို သတ်ဖြတ်နေသူတွေအား ထိရောက်တဲ့အရေးယူမှုတွေလုပ်နိုင်ဖို့အတွက် အထူးတရားရုံးဖွဲ့စည်းပြီး အမြင့်ဆုံး ပြစ်ဒဏ်ပေးရေး ဆောင်ရွက်နေတယ်လို့ နစကဥက္ကဋ္ဌကပြောဆိုလိုက်ပါတယ်။
ဇွန်လ ၁၆ ရက်နေ့ က နေပြည်တော်မှာပြုလုပ်ခဲ့တဲ့ နိုင်ငံတော်စီမံအုပ်ချုပ်ရေးကောင်စီ အစည်းအဝေး (၅/၂၀၂၂)မှာ သံဃာ၊ ကိုရင်နဲ့ သီလရှင်တွေ သတ်ဖြတ်ခံရမှုနဲ့ပတ်သက်ပြီး ပြစ်မှုကျူးလွန်သူတွေကို ထိရောက်တဲ့ ပြစ်ဒဏ်ပေးနိုင်ရေးအတွက် ဥပဒေပြဋ္ဌာန်းနိုင်ရေးကို နစကအဖွဲ့ဝင်တွေက တင်ပြမှုအပေါ် နစကဥက္ကဋ္ဌက အခုလိုပြောဆိုခဲ့တာဖြစ်တယ်လို့ သိရပါတယ်။
“သာသနာနွယ်ဝင်တွေကို အကြမ်းဖက် သတ်ဖြတ်သူ များကို ထိရောက်တဲ့ပြစ်ဒဏ်များ ချမှတ်နိုင်ဖို့ အထူးတရားရုံးများ ဖွဲ့စည်းပြီး အမြင့်ဆုံးပြစ်ဒဏ်ပေးရေး ဆောင်ရွက်နေပါတယ်”လို့ နစကဥက္ကဋ္ဌက ပြောဆိုခဲ့တာဖြစ်ပါတယ်။
လက်ရှိ နစက လက်ထက် ၂၀၂၁ ခုနှစ် ဖေဖော်ဝါရီ ၁ ရက်နေ့ကနေ ၂၀၂၂ခုနှစ် ဇွန်လ ၁၃ရက်နေ့အထိ နိုင်ငံတစ်ဝန်းမှာ အကြမ်းဖက်ခံရတဲ့ သံဃာတော်နဲ့ သီလရှင် စုစုပေါင်း ၆၅ ပါးရှိပြီး ပျံလွန်တော်မူခဲ့တဲ့ သံဃာတော် စုစုပေါင်း ၅၀ ပါးရှိတယ်လို့ သိရပါတယ်။
နောက်ပြီး ဒဏ်ရာရတာ ၈ ပါး၊ပျောက်ဆုံး ၆ ပါးနဲ့ ဒဏ်ရာရ သီလရှင် ၁ ပါးရှိခဲ့တယ်လို့ နစက ရဲ့ထုတ်ပြန်ချက်အရ သိရပါတယ်။
#voiceofmyanmar #VOM #သာသနာ့ဝန်ထမ်း #သတ်ဖြတ်သူတွေ #အမြင့်ဆုံးပြစ်ဒဏ်ပေးဖို့ #နစက #အထူးတရားရုံးဖွဲ့စည်းနေ
